Hábmera dálkudiddjekontåvrrå le båddåsattjat stekkan.
Váktadálkudiddje båddåsattjat bærrájgåhtseduvvá Stájgo dálkudiddjekontåvrås, ja jus dálkudiddjegæhtjov dárbaha le váktadálkudiddje Stájgosaljon, Lajrakvuonan. Barggap tjoavddusijt dási gávnnat. Jus viehkev dárbaha riŋŋgusta 116 117, dalá viehkke riŋŋgusta agev 113.
Bádtjip gájka gudi li dálkudiddjekontåvrån læhkám javllamáno 14.biejve rájes gitta 25.biejve rádjáj, aktijvuodav válldet koronaåtsålvisáv dahkat. Dát guosská aj muhtemijda javllamáno 8.biejve rájes.
Njuolgga tækstadiedádusá milta válldep aktijvuodav sijájn gudi li guoskadallam dássta.
Máhtá koronaåtsålvisáv dahkat jusska dujna ij la skihpudagá dåbddomerka. Jus juorrula jali oattjo skihpudagá dåbddomerka, viertti måsskusin viessot ja koronaåtsålvisáv dahkat.
Resursajt målssop ja barggalip viehkev Bådådjo suohaknis oadtjot. Koronaåtsålvisáv dahkap dálkudiddjekontåvrå ålggolin, Badjesijdan. Ij då boade åvddåla la sjiehtadusáv dahkam. Åtsålvisá telefåvnånummar 477 66 557 le rabás kl. 8.00 rájes gitta kl. 15.30.
Hábmera suohkan bærrájgåhtse sijáv gudi li koronas njoammom, ja aktisattjat barggap nasjonálalasj varresvuodaoajválattjaj. Lip gijttevattja viehke åvdås majt oadtjop, degu Vuona álmmukvarresvuoda instituhtas (FHI), Bådådjo suohkanis ja Stájgo suohkanis.
Oajvvadus le dåssju gallegattjaj sæbrástallat, ale lahkana iehtjádijt ja tjuovvot njuolgadusájt njoammomsuodjalime hárráj. Diedo koronavirusa- ja sijddamåsskusa birra ja gåktu måsskusin viessot gávna dáj næhttabielijn; hamaroy.kommune.no, helsenorge.no ja fhi.no
Media guládallampersåvnnå: suohkanoajvve Britt Kristoffersen, tlf 90891354.