Ådå koronavirus (Covid-19)

Jus dávdda dunji njåmmum de manni gassko 0–14 biejve åvddåla dávddamerkajt ælvá. Dábálattjat 5–6 biejve. Dávdda ienemusát iehtjádijt njåmmu madin dujna li dávddamerka. Fiebar, gåsås ja dahppaluvvam li dábálamos dávddamerka. Gallegattja skihppáji giehpesvuolsjijn dahpaldagájn jali ietjá alvos skihpudagájn.

Dáv galga dahkat dávddanjoammomav hieredittjat:

Ale lahkana iehtjádijt!

• Åro sijdan jus dåbdå skibás la.
• Jus la gåhtjoduvvam sijdan årrot, de åro (karántenan jali jirbbahimen)
• Gæhttjala unnemusát mehterav ierit liehket ietjá ulmutjijs – jus la máhttelis.

 Adnala giedajt rájnnasin!

-Basá giedajt álu ja dárkkelit

• gå la ålggon læhkám ulmutjij siegen
• gå la hivsigin læhkám
• gå la gåssåm, gasnestam jali snussum
• gå galga biebmov dahkat jali bårråt.

-Jus dujna ij la soahppo ja tjáhtje, de máhtá rájnnidahttemlåssjkusav adnet.

Vároda gå gåså!

• Ale iehtjádij vuosstuj gåså jali gasne.
• Gåså páhppára sisi, mav de håjggåda. Basá giedajt dalága!
• Jus dujna ælla páhppára, bierri giehtagávvaj gåssåt.

Jus jáhká dávddaj la njåmmum: 

• Jus jáhká dávddaj la njåmmum, de galga sijdan liehket.
• Jus dárbaha medisijnalasj viehkev, gæhttjala vuostatjin aktijvuodav oadtjot ietjat stuovesdåktårijn telefåvnå baktu. Jus i dajna vuorbástuvá, riŋŋgusta váktadåktårij nummarin 116 117. 

Tjuovo ådåstuhttemijt dávda birra!

Oajválattja gåhttju gájkajt gudi Vuonan årru låhkåt ájnas diedojt ja rádijt koronavirusa birra næhttabielijn www.fhi.no Lenke til et annet nettsted, åpnes i nytt vindu. ja www.helsenorge.no Lenke til et annet nettsted, åpnes i nytt vindu.. Ráde máhtti ruvva rievddat. Diedo gávnnuji dárogiellaj ja ieŋŋilsgiellaj. Jus dujna li gássjelisvuoda diedojt dádjadit, de ávttjip viehkev åhtsåt náginis gev dåbdå.

Plakat - Dábe ma hieredi njoammomav png, 207 kB, åpnes i nytt vindu.