Hopp til innholdet

Vehik jali guhkep gasska, vaj ij åvvånis æjvvalit?

Jus ulmutja e ilá tjoahken tjuottjo de suojmmu koronadávdda (covid-19) oabllomis.

1. Dábálasj bagádusá álmmugij

  • Didja gudi aktan årrobihtit máhttebihtit sæbrástallat ieme láhkáj.
  • Máhtá guossijt gåhttjot, valla dåssju gallegattjajt avtabále.
  • Máhtá ålgus mannet valla ij de ilá lahka ietjá ulmutjij.
  • Lassjugis máná bessi smávep juohkusijda sæbrrat.
  • Mujttu då buorre gåssåmdábijt ja giedajt basádit!
  • Allu då giedajn buorástahttu jalik fármastalá ietján gå sijájt gen siegen åro.
  • Vuoseda huvsov, ale duolmo jalik ålgoda iehtjádijt. 

2. Dunji guhti la vádálasj dilen

  • Dåjma covid-19 vuosstij la vuostatjin suoddjit sijájt gudi li vádálasj dilen.
  • Dån la vádálasj dilen jus la
    - badjel 65 jage vuoras jali la
    - ållessjattuk tsåhkevigijn, giehpesvigijn, såhkårskihpudagájn, bårredávdajn jali alla varradettujn.
    - Márjju aj dån guhti la ållessjattuk buojddudagájn ja jus vil dubáhkav suovasta.
  • Dån guhti la vádálasj dilen hæhttu liehket sierraláhkáj snivva rájnasvuodajn ja mujte i boahtet ilá lahka ietjá ulmutjij (galggá binnemusát 1-2 mehtera ietjá ulmutjijda).

3. Dån guhti la vieddje, valla la årrum SIJDDAKARANTIENAN ræjso maŋŋela, jali jus la lahkavuohta ulmutjijn gænna l covid-19.

  • Didja gudi aktan årrobihtit máhttebihtit sæbrástallat iemeláhkáj, valla ij de guossijt gåhttjot jali iehtjádijt guossidit.
  • Ale skåvllåj jalik bargguj maná.
  • Ale maná almulasj jåhtulagáj.
  • Máhtá ålggon váttsatjit valla ij de ilá lahka ietjá ulmutjij.
  • Máhtá dárbulasj måhkijt dahkat rámbuvdan jali apotehkan.
  • Ulmutjij gejn siegen åro ælla karantienan.
  • Juska åtsosboados vuoset ij la koronadávdda de ij dat karantienav oaneda.
  • Jus dujna l lájttális sebrudakvirgge de soajttá ij dárbaha muhtem mærráj dájt njuolgadusájt tjuovvot.
  • Jus dujna l lahkavuohta ulmutjijn koronadávdajn ja dåbdå dávddamerkajt vuojŋadakinfeksjåvnnåj, hæhttu dalága sijddamåsskusij. 

4. Dunji VUOJŊADAKINFEKSJÅVNÅJN valla ij vuoseda covid-19 virusav

  • Galga sijdan liehket dat rájes gå vuojŋadakinfeksjåvnå dávddamerkajt dåbdå, gitta binnemusát jánndurav maŋŋel gå la ållu væddjám.
  • Garve iehtjádijt gejn siegen åro.
  • Sidja gejn siegen åro ælla måsskusin, valla galggi gåtsedit ietjasa varresvuodav. Jus dávddamerkajt dåbddi, hæhttuji sijdan liehket.

5. Dunji covid-19 virusijn ja la SIJDDAMÅSSKUSIJ biejaduvvam

  • Ale maná ålgus sijdastat.
  • Ale ga sæbrástalá sijájn gejn siegen åro.
  • Jus la máhttelis, ane sierra lanjáv ja basádimlanjáv.
  • Basá álu bievdijt, ståvlåjt ja ietjá ålgoldisájt.
  • Soames hæhttu duv åvdås oasestit.
  • Sjiehtada ietjat dálkudiddjijn gåktu galga gåtsedit ietjat varresvuoda dilev.
  • Sidja gejn siegen åro hæhttuji liehket karantienan.

Ienep jårggåluvvam diehto covid-19 birra gávna dánna:

Sist oppdatert

Fant du det du var på jakt etter?
Fant du det du var på jakt etter?