Giellavahkko

Gålgådismáno 20.-26. b. 2025 (vahkko 43) ávvudaláduvvá Giellavahkko – Sámegielavahkko. Sáme giellavahko ulmme l sáme gielaj árvov låpptit, ja buoredit máhtov sáme giela ja kultuvra birra ålles sebrudagán. Jur dan vahkon galggi sámegiela gullut ja vuojnnut juohkka sajen.

Giellavahkon la sierra næhttabielle, manna prográmmav gávnná, ressursaj ja diedoj giellavahko birra. Lågå ienep: www.giellavahkku.org Lenke til et annet nettsted.

Bájkálasj dåjma ja aktisasjbarggo

Árran giellaguovdásj ásat moadda dåjma dán vahko.
Suohkan la aktisasjbarggoguojmme guovten dájs ásadusájs:

• Giellasvarkka
• Girjjealmodibme

Lågå ienep dåjmaj birra Árrana næhttabielen Lenke til et annet nettsted..

Duodden ásat Sáme varresvuodajuogos fáhkabiejvijt varresvuodabarggijda Árranin gålgådismáno 20.–21. b.

Ásadiddje li Sigrid Jessen, Hege Nielsen, Ellen Valle, Pernille Krogh ja Silvia Ellingsen.

Álmmukvarresvuoda aktididdje Kristin Green Johnsen:in la aktisasjbarggo Stall Eivik:ajn ja ásat dåjmav Sjævnnjadav tjåhkkåjit, gålgådismáno 23.b 18-21 rájes.

Mánájgárdijda, skåvlåjda ja institusjåvnåjda

Giellavahkko l moaddi ávvudaládum, ja moattes dijás lip juo buorre bargov dahkam.
Mij bádtjip dijájt joarkket sjuggelis ja berustiddje bargujn!

Tjalmostahttit julevsámegielav ja kultuvrav dán vahko, duola dagu dáj baktu:

• ståhkusij ja subttsasij
• lávllagij ja musihkaj
• tiebmávahkoj jali åhpadusdåjmaj
• hervaj ja dekorasjåvnåj sáme bájnoj ja symbåvlåj

Åvdåsvásstádussuorgge Sáme háldadibme máhttá dåjmajt ruhtadit, danen válde aktijvuodav Lars Filip:ijn jus dujna li ájádusá jali dárbaha dårjav.

PS: Válde aktijvuodav Svetlana:jn jali Lars Filip:ijn, jus dujna le jali ájádalá dåjmav majt ij la dánna nammadam. De máhttep viehkedit ávvudallamav tjalmostahttet suohkana sosiála mediajn.