Digitála avtadagá ja diehto- ja guládallamrustiga

Divna oahppijn ja åhpadiddjijn Hábmera suohkanin li ietjasa digitála avtadahka.

Badjesijda skåvlån adni oahppe 1. gitta 4. dássáj iPad:ajt , madin oahppe 5. gitta 10. dássáj adni giehta-pcajt (giehtadim sjermaj). Ájluovta skåvlån ja Strávnjunje åhpadagán li divna oahppijn giehta-pca (giehtadim sjermaj).

Avtadagá li ådåájggásasj balvvasystema baktu háldadum, gånnå systebma, oaggásvuohta, ehpa ja prográmma, duodde ehpajn/prográmmajn, boallobievde jvn. li háldadum ja dåjmadam.

Digitála avtadagá li biejadum ehpaj ja prográmmaj ma fáhkaulmutjijs suohkanin li árvustaláduvvam, gånnå oahppam ja buvtadibme le ájnas.

Oahppe ja åhpadiddje máhtti aj suohkana vidnudakportálav adnet, gåsstå duodde åvddågiehtadåhkkidum ehpajt ja prográmmajt máhtti viedtjat.

Juohkka digitála avtadagájn li njuolggaluodda gåvvåj; Julevsámegiela digitála oahppamressursa. Portálla majt Hábmera suohkan ådåsmahttá ja dåjmat: 
https://docs.google.com/spreadsheets/d/1mtIHfLGCwtJef6fHIMdNBsI3tYTATI2KwFQNpIEVIG0/edit#gid=0

Njuolgadussan, divna julevsáme ehpa/prográmma biejaduvvi vidnudakportállaj. Muhtem ehpa/prográmma li dábálattja biejadum digitála avtadagájn, ja dá li:

  • Divvun – duodde prográmma Word:an (gájkka barggijda ja oahppijda suohkanin, sihke Word-Online:an ja Word-prográmman pc:an).
  • Sáme boallobievdde (Oahppij- ja barggij-pc:an. iPad-æhppan divna oahppijda, åhpadiddjijda, politihkkárijda ja iPad:aj aneduvvam suohkana avtadagájn/åssudagájn; d.d mánájgárde, Ájluovtasalljo, Birásdievnastus, Skihppijsijdda jvn.)
  • Julevbágo (Pc:ajn, sválldasin Álggo-prográmman ja aj Válljidum næhttabiellesaljon oahppijda ja åhpadiddjijda. iPadajn divna oahppijda, åhpadiddjijda, politihkkárijda ja iPad:aj aneduvvam suohkana avtadagájn/åssudagájn; d.d mánájgárde, Ájluovtasalljo, Birásdievnastus, Skihppijsijdda jvn.)
  • Gåvvå julevsámegiela digitála oahppamressursajs (sválldasin Álggo-prográmman ja aj Válljidum næhttabiellesaljon oahppijda ja åhpadiddjijda)
  • 10/20 bágo (iPad-æhppa oahppijda, åhpadiddjijda, politihkkárijda ja iPad:aj aneduvvam suohkana avtadagájn/åssudagájn; d.d mánájgárde, Ájluovtasalljo, Birásdievnastus, Skihppijsijdda jvn.)
  • DisVoize – iPad-æhppa dålkkumij ja oahpestibmáj. (iPad-æhppa politihkkárijda, valla aj almmusij biedjam iPad-avtadagájda/vidnudakportála addnijda ) Lagáp diedo dánna oattjo.

Lagáp - ja dárkkelap diedo dánna gávna: https://www.hamaroy.kommune.no/den-digitale-hamaroeyskolen.570225.no.html

Oahpponævvobuvtadibme

Mij guosská oahppanævvobuvtadibmáj, lip prográmmajt válljim ma oahppe ja åhpadiddje máhtti adnuj válldet, d.d  duon dán åhpadiddje joarkkaåhpadusoahppojda.

Åvdemusát bessi divna oahppe ja åhpadiddje ålles Office 365-páhkkáj, d.d Word:aj (aktan Divvun), PowerPoint:aj, Sway;aj jvn.

Sáme duollatjállemdárkástus ja boallobievde  - Juohkka åhpadiddje ja oahppe pc:ajn li Divvun (sáme giellateknologijja) juo biedjam, aktan duollatjállemdárkastusáj Word:an ja boallobievdij.
Sáme duollatjállemdárkastus (divvun.no)

Audacity - Jiednaprográmma aneduvvá jienav báddit, divvot ja vuorkkit.
Jiednadivvom Audacity:an - Medieuttrykk 1 - NDLA

Ffmpeg - Gå galga jåhtuj biedjat MP3-fijlajt viertti Ffmpeg-duoddidusáv biedjat Audacity:aj.
Installing FFmpeg for Windows - Audacity Manual (audacityteam.org)

Handbrake - Ræjddo videov rievdatjit vargga juohkka hámes ådåájggásasj, almos doarjjom hábbmijda, aktan suojedis DVD- jali BluRay-gáldo. Prográmma le álkkes aneduvvat, ja dån máhtá DVD:ajt moattedit duon dán jiedna- ja tækstaluottaj. Bieja ber DVD:av sisi ja tjuovo ja dæbtjo bagádusáv.
HandBrake: Open Source Video Transcoder

Free Cam - Prográmmasj báddimav válldet sjermas.
Screen recording software for eLearning | iSpring Cam Pro (ispringsolutions.com)

OpenShot Video Editor (Kulturelle skolesekken) - Álkkes nåvkåprográmma videov divvot.
Divvom OpenShot:ajn - UngPress

Podcast/lydbok - Binnemus gájbbádus gå galga podcast:av – jali jiednagirjev dahkat le ådåájggásasj telefåvnåv ja d.d Anchor:av adnet.
Anchor le gájkræjdo-vuogádahka gånnå máhta podcast:av dahkat, juohket ja rudájt tjijnnit. Dat la nåvku ja álkkes ræjddo majna podcast:av dagá, telefåvnå baktu . Anchor viehket podcast:av vuorkkit ja juohket kanálajda d.d Spotify, Apple jvn. Ietjá ræjddo le soundcloud.com mij la sosiálla jiednanæhttadievnastus, gånnå gájkka máhtti registrerit, ietjasa jiednafijlajt biedjat ja álkkesláhkáj juohket dajt.

Videov almodit

Oahppamvuogádahka ja guhkásåhpadibme

Åvdebut anijma divras videokonferánssatjoavddusijt åhpadime aktijvuodan.

Dálla de divna bargge, åhpadiddje ja oahppe máhtti Microsoft Teams:av adnet. Divna skåvllåklássa ja juohkusa suohkanin máhtti ietjasa Teams:av dárboj milta dahkat, aktisasj dahkamuhá, åhpadime ja bargo hárráj. Teams:an máhtá tjáhkánimijt ásadit ja dokumentajt juohket.
Ietján gávnnuji e-oahppamræjdo ja oahppamværmádahka ma máhtti adnuj boahtet. Suohkana bargge máhtti KS Læring:av addnuj válldet, mij la LMS-ræjddoMoodle-vuogádagá baktu gåktu háldadit ja oahppamav tjadádit nehta baktu. Hasodip dáv vuogádagáv adnet gå kursajt, máhtudakpáhkijt ja ádadusájt galggi dagáduvvat, skåvlåjn, varresvuodan jali ietja suorgijn.