Ådåsa - Nyheter

Gåktu galga dån ja duv lagámusá rijbbat jus strávve guhkep ájggáj gáhtu? Majt lidji dahkat jus duola degu tjáhtje nåhkå? Majt lidji dahkat jus i besa vahkkuj oasestit? Iesjgergasvuohta merkaj gárvedit dákkir dilijda. Vuona oajválattja oajvvadi stuorámus oasse viesádijs galggi  árvedit gåktu rijbadit vahkkuj. Suohkana ja hiehteetáhta hæhttuji vuorodit sijáv gudi e viehke dagi hiehtedilen bierggi. Madi ienebuv rijbadi ja duodden iehtjádijt viehkedi, dadi åbbålasj suodjalibme Vuonan nanostuhteduvvá. Dat merkaj sebrudagá åbbålasj resursa hiehte- ja  doarrodilen hiereduvvi ja dan diehti buorebut dåmaduvvi.

Buoris! 43. vahko, gålgådismáno 21. biejves gitta 27. bæjvváj ávvudallap Giellavahkov! Dát la nasjonála vahkko mij la åvdedam sámegielajt ja lasedam diedulasjvuodav sáme kultuvra birra sebrudagán. Mij sihtap sámegiela galggi gullut ja vuojnnut juohkka sajen, ja sávvap juohkusa ja siebre viehkedit dákkir ájnas ávvudallamij.

Tjavtja tjadá galggi Hábmera 250 oahppe vuodoskåvlån buorebut oahpásmuvvat, sijá moattebelakvuodav vuosedit, dájdalattjat åvddånbuktet ja stuorra vuosádusáv aktan dahkat basádismánon. Kulturprosjevta "Mij lip dáppe" baktu galggap tjalmostit suohkanav dárogiellan ja julevsámegiellan, ja mánáj, nuoraj ja ållessjattugij duogásj, ma båhti birrusij 25 lándas.

Aktisattjat Politidjadirektoráhtajn, gåhttju Sámedigge almodibmáj næhttabieles samehets.no – bagádus gåktu sámebijtástimev diededit ja guoddalit. Sámebijtástibme le unugis ja hárddem. Ulmutja máhtti aj stráffaj sivádahttet dassta. Valla majt dahkat jus sámebijtástimev váseda? Muhttijn le gássjelis diehtet makkir riektá ja máhttelisvuoda gávnnuji. Sámedigge sihtá dáv rievddat. Aktisattjat Politidjadirektoráhtajn, lip dahkam bagádusáv samehets.no. Dánna oattjo bagádusájt majt dahkat duon dán dilen jus sámebijtástimev váseda. Oattjo aj diedov sámebijtástime birra, guoskavasj lágajs ja gåvvå dajs dievnastusájs ma bagádi ja diedojt vaddi.